Brâf Furlan

Il nestri cucuc, il sindic teoric de fisiche, al si invà a cjâf alt.

«A no mi ricognos plui te politiche, no capìs lis sieltis, a ce che a coventin, o mi sint forest. Dut chest mi à sburtât tal gno vecjo amôr: la sience. E cuant che il zûc al si fâs cragnôs, i nets a molin di zuiâ».

«Po il nestri sindic simpatic umorist al conte la sô storiute: "une femine se e dîs 'no' e vûl dî 'forsit', se e dîs 'forsit' e intint 'sì', se e dîs 'sì' no je une femine. Un politic se al dîs 'sì' al vûl dî 'forsit', se al dîs 'forsit' al intint 'no', se al dîs 'no' nol è un politic".

E jo – al siere il sindic Cecot- jo daur cheste storiute no soi un èolitic e nancje une femine parcè cuant che o dîs 'no' al è 'no', e no 'forsit'».

Mi fâs dûl. La prime femine dal parlamentin regjonâl, chê che e leve di Santoro a discocolâ i voi, cumò ce fasarâjê? E cjaparà la trombade cence scjassâsi par nuie? O fasarà une jessude di prime femine, cu la siarpe di struz e les pailletes, cun tacs di cuindis e sbatint la puarte?

Jessint al cuart puest te sô liste, daur di un triestin, samee che i soi coparis i vedin sbeleât par fâle fûr.  Ciert che dopo jessi stade di lunc a gale come il vueli ar cuindis agns, il cign Alessandra Guerra nol svole plui.