Brâf Furlan

Vuê o ai cognossût un Benandant, o che su par ju al è compagn, un Agnul.
Jo o jeri a vore, al è rivât no spietât, un pôc sturnît, nol saveve ben dulà ch'al jere.

Al à cjalât, al è lât su e ju e mi à pontât. Jo o vevi in chel moment la sensazion che mi cirìs me e lui, il Benandant al saveve ben che mi cirive me.
Za nome il fat di viodilu mi à jemplât di une gjonde scognossude. Intun moment mi veve sbusât i sintiments, i ai contade la mê vite e lui parie al à fat compagn.

Par une ore o ai tocjât il paradîs. Mai o vevi provât chel biel striament, il jessi comprindût e sintî une altre anime cussì dongje. Vin vaiût insieme, o si sin bussâts e al è tornât al sô mont. Jo o soi ancjemò incantesemât.

Se nol jere un Agnul al jere un Benandant. Si clame Giorgia.