Grimaz e piture cu lis mans par PPP
scritto da furlan il lunedì, 26 novembre 2007 ,08:46
Viodût îr di sere tal auditorium di Felet il spetacul dedeât a PPP:
"Pierpauli: uno spettacolo per Pier Paolo Pasolini". Lu vevi za viodût l'an passât a Mortean, al jere al di fûr e al veve une atmosfere plui lizerine. Protagoniste la brave Caia Grimaz.
Il sierât i zove te concentrazion, ma il ritmi al cale e la femine e sossedave. Public fredut e pôcs bati mans. Brâfs a chei dal comun e al atîf Chris R. par vê metût insiemit il dut.
La storie di Pasolini par cui che no le sa e ven fûr a bugadis e in cuintri lûs, si scolte i soi resonaments ma no si san i antefats. Cui che al à la fortune di jessi lât dongje al pinsîr e a la vite di PPP, al è un biel gjoldi. La storie finis in maniere tragiche e il spetacul finis cul rapuart su la muart dai Carabinîrs. Tal mieç la muart dal fradi Guido, la fuide di scjampon dal Friûl, i patiments dai prins agns, e lis sôs posizions simpri sul ôr dal pensâ dai plui, fin a chel novembar dal 1975.
Il viodi al è insiorât dal piturâ cu lis mans di un cîl concentric cun alis di cocai in svual di Fredo Pecile. Lis cjantis furlanis àn ancje un toc dai "Turcs tal Friûl" di Giovanna Marini. Percussions coloradis di Ermes Ghilardini e ghitare liriche e vôs di Loris Vescul sierin il cuadri.
Par vê un grant spetacul bastarès un tic di snait di plui e magari une vôs (chê di Nicoletta Oscuro?) e cualchi altri strument, un liron par esempli.
"Pierpauli: uno spettacolo per Pier Paolo Pasolini". Lu vevi za viodût l'an passât a Mortean, al jere al di fûr e al veve une atmosfere plui lizerine. Protagoniste la brave Caia Grimaz.
Il sierât i zove te concentrazion, ma il ritmi al cale e la femine e sossedave. Public fredut e pôcs bati mans. Brâfs a chei dal comun e al atîf Chris R. par vê metût insiemit il dut.La storie di Pasolini par cui che no le sa e ven fûr a bugadis e in cuintri lûs, si scolte i soi resonaments ma no si san i antefats. Cui che al à la fortune di jessi lât dongje al pinsîr e a la vite di PPP, al è un biel gjoldi. La storie finis in maniere tragiche e il spetacul finis cul rapuart su la muart dai Carabinîrs. Tal mieç la muart dal fradi Guido, la fuide di scjampon dal Friûl, i patiments dai prins agns, e lis sôs posizions simpri sul ôr dal pensâ dai plui, fin a chel novembar dal 1975.
Il viodi al è insiorât dal piturâ cu lis mans di un cîl concentric cun alis di cocai in svual di Fredo Pecile. Lis cjantis furlanis àn ancje un toc dai "Turcs tal Friûl" di Giovanna Marini. Percussions coloradis di Ermes Ghilardini e ghitare liriche e vôs di Loris Vescul sierin il cuadri.
Par vê un grant spetacul bastarès un tic di snait di plui e magari une vôs (chê di Nicoletta Oscuro?) e cualchi altri strument, un liron par esempli.
