Brâf Furlan

Sabide as 5 di sere a Sant Denêl o jeri a a la taule taronde dal incuintri metût in pins  sul plurilinguisim:  une trentine di personis intal salon di palaç Sonvilla a fasevin un poc dûl.  E ce int: cuasi ducj specialiscj, no si rive a slargjâ il cercli a cui che nol messede par mistîr il furlan.
Intervent un grum interessant di Capraia, gjornalist no presint di persone ma cul so intervent let de Kersevan.
In struc al à dite che lis lenghis dominantis come cumò l'Inglês a muerin cuant che a son nome di podê e no plui di valôrs e di fat l'inglês al stâ za filiant miscliçots come un cul spagnûl.
Fuart il contribût di Franc Fari, biolic; di lui mi à cjapât il fat che cul furlan bisugnarès fâ robis bielis e no nome fâ, si scugne fâ ben, cun cure, parcè che une lenghe za minorizade no à bisugne di sdavàs.
L'insegnant e gjornalist sart, che no mi visi il non, al à cjacarât di aredament linguistic: prin di rivâ a jemplâ di furlan, tal câs nestri, citâts, uficis, scuelis e dut ce che al è scrit ator, prin di rivâ a fâ a pari cul talian no si po cjacarâ di bilinguisim.
E alore o vin di viesti di furlan la furlanie e il Friûl dulintor.