La lidrîs che ti pee a la tô tiere
scritto da furlan il giovedì, 29 marzo 2007 ,07:42
Al è alc dentri di nô che nissun po tocjâ
al è un nie che mene dret al ben vivi
clap tiermin che slontane de muart
la lenghe, lidrîs che ti pee a la tô tiere.
benestant e cun famee, al lavore, al côr ator in machine,
cul telefonin in man, l’ordenadôr tacât e al ten pal Udin.
Il secont al salte fûr cul scûr, cuntun bon tai in man
al cjale al univiers, si gjave di vê voli nome pai sôi interès,
si impense di aiars fuarts, de jerbe taiade,
la sô pôre e si vise di jessi stât Benandant
al rît a ledrôs, nol cjale ce che al è lusint e svoladiç
al trabascje e daspò se al à olsât masse, al tâs.
