Brâf Furlan

Domenie mieze di lavôr e mieze di relax.
O ai fat un toc de Ippovie, di Branc a Are, vie pal Cormôr. Uune volte tant cun aghe che al samee un flum.
Beh, no crodevi ma al jere plen di int. A pît, di corse in bici di spassegjo e di corse, chei figos vistûts di marzians e chei cui fruts, carocele di corse, int cui cjans.
Cjavai nuie, une ippovie ma nancje un cjaval.

Us consei di viodi www.vallecormor.com

"Valle Nord del Cormor, una complessa sequenza di interventi di risanamento e restauro ambientali volti alla riqualificazione del paesaggio culturale rurale, adottata da sette comuni rivieraschi già a partire dal 2001 e realizzati dal Comune di Tavagnacco"

Cussì asi dismentee un poc i fastidiis di vie pe setemane e si cjarie la suste.

        No rispiete il vôt di scambi e il "martar" al fâs cause!


Si conte che il comandant Lauro, sindic di Napoli tal '52, un dai plui siôrs die Italie, al ves regalât une scarpe sole ai puars dal rion de Sanitât, prometint chê altre nome se al fos stât elet.
Aial rispietade la sô promission?

        Il nestri Strassolt al à prometût 200.000 euros se al fos stât elet. Compagn dal Napoletan Lauro.  Aial rispietade la sô promission?
Ma nome a un o ancje a cuissà ce tancj altris? 

        Savêso ce che al à dit il galantom di Tavoschi?
Al jere disocupât e al cirive un lavôr, se no, no lu varès fat, di vendi il so jutori!
E ancjemò al à dite che al à tirât fûr il cantin "parcè che no ai nuie di pierdi", e la dignitât? Chê ise za lade su pai stecs?
    Ducj i disocupâts jerin in file là di Strassolt?

In support of our incredibly brave friends in Burma:

may all people around the world wear a red shirt on friday september 28.

Please forward.

 

In jutori ai amîs che àn un bon  fiât e tant cûr e passion pe lôr lote in Birmanie, ducj intal mont a son invidâts doman ai 28 di setembar a meti intor une maiute rosse. Par plasê pant plui che tu puedis.

Tra folcs che àn trat al ordenadôr e telecom che no da la linee o ai une baruffe continue. O sai che tal blog varessin di jessi notazions no propite cussì ordenariis, ma orco boie, se si paie par vê un servizi e la linee se je e côr come un mus e di gracie che e sedi, beh alore lu scrîf.

E lis mês a son bagulinis in confront a ce che i è sucedêt a chê miss di Strassolt!
A je no son fin  rivâts sms che vevin di butâle su in alt tal concors. Pensait ce robis. Bêçs strassâts. Dut par colpe de telecom. Une juste a 'ndi à fate alore, in fin dai conts, cheste benedete telecom!

Le ai sintude a telefriuli. I àn domandât se i displaseve mostrâ il cul par vinci. E à vût il coragjo di rispuindi che je che è sportive lu à dûr e che a son ches secjis sclagnis di anoressichis che lu àn flap e che àn protestât. Par jê e leve ben che i calcolassin il penç dal cûl, scusait la bassece.

Ma va là a dâlu vie, par plasê. Cjare la mê biele Valentine, tu sês ben stupidute e no tu sâs ce che tu disis, e ce solidarietât cun chês maladis di tôs colegas, e ce superioritât, ce finecis!

Ce che o scrîf, cuant che lu scrîf mi plasonone.
Se o torni a leilu mi sfuarci, magari lu comedi e mi dîs che nol è mâl.
La volte dopo al mi fâs subite schifi.

Soi rivât a meti un pipin!
Ce brâf furlan che o soi.

Usgnot nie cine in place Libertât. "Uomini contro" lu àn fat al visionario. La int e jere tante i puescj pôcs e ducj no si steve. Finude la spiegazion, chei che jerin in pîts a àn scugnt inviâsi fûr.

 Cussì o ai viodude la mostre di Fior. Fumuts metûts in biele mostre. Il Dree mi disarà che o soi un scjasse cits. Jo o volarès dî al Dree: chê e je une mostre esponude ben. Po plasê o no ma jere un gust cjalâle. No che edare rimpinade su pai mûrs di chei puarets di Gnognosauros che par viodiu impirclis su pe cleve de rive su, za si ere pronts a colâ sul busac ju. Sino migo 'crobatas? Panzons!

 Gran viodude dal mâr dal alt par dute la matine di soreli.
Si po dî dut dai triestins, ma cuant che tu ti messedis a lôr a ti jemplin de lôr incussience e de lôr voie di ben stâ.

Lôr no àn fastidiis e i orariis a son un di plui. O vevi di rivâ pes vot, as vot o jeri la cuiet e pront, ma di bon furlan o spietavi che mi clamassin.
Jo dûr te mê cjadreute, fer a spietâ. As nûf e mieze mi soi dit: achì si son dismenteâts di me.
 Mi presenti e lôr: - Chi che el se, no lu gevevimo visto.

Ma bocons di basoai no podevis clamâ, se o vevi un apontament, o jeri ca, parcè no fâmi un cic.
 – No importa ades vedemo e fasaremo.
Cussì a son, no si scomponin. No si rabiin, e nô a roseâsi il fiât par nuie e di bant.

Soi lât par viodi di fâ un gustâ intun locâl. Mi spietavi atenzion e interès.
Dopo dut i prometevi di lâ in Novembar in vincj di nô e a son bêçs.

Il paron mi à dite cjacare cu la femine. La femine no veve timp che e jere daur a prontâ il gustâ. Tornant dal om mi à dite che torni vie pe setemane e che si podeve cumbinâ a vincj euros parom. O ai bevût un tai, paiantlu, e soi lât vie.

Considerazion. Se o fos stât intun puest dal sud mi varès intortât disint che li di lui al è il miôr puest di dulintor, ancje se al jere clâr che no jere vere, e che o podevi lâ che si, pai bêçs si metevisi dacuardi.
Intun altri puest plui professionâl al jere di sigûr un a pueste che si segnave dut e al deve un preventîf.

Magari di un altri puest ti tratin compagn e tu paîs di plui, ma al mancul a san fâ. E no ti fasin paiâ chel tai.

La mê amie Dreceorelis mi à stiçât e no sai ce che al salte fûr. O ai di contâ baruchelis che o ai cumbinât di piçul in su.

1.    A sîs agns o ai zuiât al dotôr cuntune di Beivârs. Jê e varès vût alc di viodi, jo no capivi dulà che al fos il biel. No mi à plasût.
2.    A vot agns o ai fate une moltiplicazion su lis peleotis dal bighiliti cun tant di prove dal nûf. Tirant ben al è puest. Vignive juste.
3.    In cuarte elementâr si lu mostravin un cun chel altri in bagne si lu misuravin cul righel.
4.    Al oratori si metevisi in rie e si faseve a gare a cui che le faseve plui lontan: no ai mai vinçût.
5.    O ai vinçût a cui che al rivave a scrivi sul mûr la peraule plui lungje: vot letaris. Ma la 'o' no le vevi sierade ben. Si sin petâts par vêle buine o no.
6.    In colonie si lu cirivin cu la mascare sot aghe. Nol jere un pes.
7.    In campegjo o studavin il fûc fasintle parsore. Prin o mandavin lis frutis a durmî. Une sere nus àn parât vie che a vevin di fâlu lôr. Si sin platâts tai sterps a ridi.
8.   In prime liceu, pe prime volte in classe miste, o vevi chê di molâ i regipets a lis fantacinis. O ai gambiât zuc cuant che une di Tarcint mi à molât un pataf a plene man.

O sin ducj obleâts a fâ fente di jessi deficients.

O sai che Turo al veve ideis socialistis, compagn di dute la sô famee dal rest. Chei a jerin agns dulà che lis ideis a sglonfavin il pet e si steve pôc par passâ de bande dal tuart.

Lise femine tant di glesie, par pôre o par ignorance i brusave la stampe che jê e diseve soversive e che lui al clamave "la mê scuele". Turo i diseve:

-   Dulà isal l’Avanti?

-   Ce ti interessial di lei tant chês robatis?

-   No tu capissis nuie, bisugne lei par capî, e se tu imparassis a lei tu capiressis ancje tu che al è impuartant lei!

-   Jo o sai che il lei a no mi puarte dongje di gustâ!

-   E invecit se tu leiessis il Avanti, tu varessis capît che no ti la contin juste sul fassisim e su la vuere.

-   Jo o sai che cumò o ai di lâ a molzi e che il to Avanti mi è coventât par impiâ il fûc.

Lise no saveve lei, jê i rispuindeve che lui al jere masse vecjo pe vuere e che no lu varessin riclamât. E Turo secjât:

- Se e fos une robe juste o larès, ma lôr a pensin ai lôr interès e i confins de patrie no centrin nuie!

Lise vaìve parsot, par no dâi sodisfazion, e cidine e pensave:

-   Cui isal stât a straviâi il cjâf, forsit in France,  di chê volte ch'al è tornât nol è plui chel!

 

O ai cjatât sul grup di discussion furlane cheste interessante robe sui cartei stradai dai paîs:
Al tache Klenje che al al dîs:
“mi à colpît un dôs setemanis fa che soi lât a fâ un zîr a Dolegne che ancje alì a àn metût la segnaletiche par furlan (onestementri pensavi che là si fevelàs sloven... soi ignorant).
Cemût viodêso voaltris la situazion?
A mi mi samee che la maiorance dai comuns al à fat alc, e chei ancjemò cence nancje un cartel a son pôcs, almancul te Basse orientâl..."

al rispuint Liberal:
 "Tal Friûl Ocidentâl la situazion e je grivie: I comuns che a àn tabelis bilengâls a si contin su lis mans: Spilimberc e frazions (Tabele par furlan ancje plui grande di chê par talian), Frisanc e frazions (tabelis perfetementri bilengâls), Vivâr (adiriture lis tabelis dai limits comunâi a son dome par furlan, plui
ducj i carteluts des viis par furlan).

Nol mi risulte altris comuns che a an doprât la leç su lis tabelis bilengâls, nancje la mê cjare Sant Zorç de Richinvelde di dulà che a vegnin i mei vons... :-(